Գինեգործարան Voskevaz

Գինեգործարանի պատմությունը

Voskevaz գինեգործարանը գտնվում է Հայաստանի Արագածոտնի մարզում՝ համանուն «Ոսկեվազ» գյուղում, ինչը հայերենից թարգմանաբար նշանակում է «ոսկե ողկույզ»։ Հայաստանի ամենաբարձր լեռան՝ Արագածի նախալեռը զարմանալիորեն գեղեցիկ է ու բազմազան, և նրա հողը պահպանում է հին հայ քաղաքակրթության մշակութային շերտերը։ Գինեգործարանից ընդամենը մի քանի կիլոմետր հեռավորության վրա՝ Քասախ գետի գեղատեսիլ կիրճի եզրին, գտնվում են 5-7-րդ դարերում կառուցված «Բադալի ջամ» եկեղեցու մնացորդները։ Մոտակայքում հայտնաբերվել են կարասների (հայկական կավե ամֆորաների) մասեր, որոնք թաղում էին հողի մեջ և օգտագործում գինու հնեցման համար։ Ոսկեվազի գինու գործարանը հիմնադրվել է 1932 թվականին։ Չնայած բոլոր ժամանակակից նորարարություններին՝ այն այնուամենայնիվ խնամքով պահպանել է իր ինքնատիպ տարրերի մեծ մասը, ներառյալ շենքերը։ Այժմ գինեգործարանը տեսք ունի ինչպես իսկական միջնադարյան ամրոց։

Գինիները

Մեր բոլոր գինիները, առանց բացառության, արտացոլում են Հայաստանի իսկական բնությունը։ Գինիները արտադրվում են միայն տեղական խաղողի տեսակներից, իսկ գինու հնեցման համար օգտագործվում են հազվագյուտ բարձրորակ հայկական կաղնու տակառներ։ Հայաստանում քաղցր գինիների արտադրության մեջ «Ոսկեվազ գինեգործարանը» առաջինն է կիրառել գինու թառամեցման տեխնոլոգիան։ «Ոսկեվազ» գինիները արժանացել են բազմաթիվ մեդալների տարբեր հեղինակավոր տեղական և միջազգային գինու մրցույթներում, ինչպիսիք են «Mundus Vini», «Decanter World Wine Awards», «Sommelier Wine Awards» և այլն։ Անընդհատ բարելավելով ու կատարելագործելով իր արտադրանքի որակը, գրեթե ամեն տարի ընդլայնելով խմիչքների տեսականին՝ մեր Ոսկեվազը իր ներդրումն է ունենում գինու աշխարհում։